Монгол Улсын Засгийн газрын 2011 оны 339 дугаар тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам”, 340 дугаар “Гамшгийн үеийн дайчилгаа, нүүлгэн шилжүүлэх журам”, мөн 2017 оны 67 дугаар тогтоол “Газар хөдлөлтийн гамшгаас урьдчилан сэргийлэх таниулах өдөр”-ийг тэмдэглэн өнгөрүүлэх ажлын хүрээнд гуравдугаар сарын дөрөв дэх долоо хоног буюу 03 сарын 28-ны Пүрэв гарагийн 16:00 цагт орон даяар гамшгийн зарлан мэдээллийн дуут дохио дуугарна. Үүнтэй холбогдуулан аймгийн Онцгой байдлын газраас сумын Онцгой комиссын гишүүдтэй цахим уулзалт, сургалт зохион байгуулж байна.
