Залуучуудын манлайлал гэр бүлийн хөгжлийг дэмжих жилийн хүрээнд “Сумын адуучдын холбооны” санаачилгаар Сумын ЗДТГ-тай хамтран “Сумын Аварга” адуучин шалгаруулах тэмцээн 2024 оны 06 сарын 09-ны өдөр амжилттай зохион байгуулагдлаа. Үндэсний өв, ёс заншлаа хөгжүүлэх, морьтон Монголын малчин ахуйн биет бус соёлын өвийг хадгалах зорилгоор адуучин залуусын авхаалж самбааг шалгаж, уран уургачдынхаа ур ухааныг уралдуулахад тэмцээний зорилго оршино. Тус тэмцээнд уурга ташуур шүүрэх, морьтой шургуу, явган шургуу, эмнэг хангал булгиулах гэсэн 4 төрлөөр Мөнгөнморьт сумын 20 гаруй адуучин залуус эр бяр, авхаалж самбаагаа сорин өрсөлдлөө. Нийлбэр дүнгээр дараах адуучид шалгарлаа.
I-байр Байдлаг 2-р багийн адуучин О.Мөнхжаргал
II-байр Жаргалант 1-р багийн адуучин Ж.Амаржаргал
III-р байр Жаргалант 1-р багийн адуучин Б.Амартүвшин
Тусгай байр Жаргалант 1-р багийн адуучин Б.Намсрай
“Уран уургач”-иар Байдлаг 2-р багийн адуучин О.Мөнхжаргал
“Шилдэг эмнэг сургагч”-иар Жаргалант 1-р багийн адуучин Ж.Амаржаргал нар тус тус шагналт байрын эзэд болж “Сумын аварга” адуучнаар шалгарсан О.Мөнхжаргал, Ж.Амаржаргал нар аймгийн аварга шалгаруулах тэмцээнд, Б.Амартүвшин Б.Намсрай нар Бүсийн аварга шалгаруулах тэмцээнд оролцох эрхтэй боллоо.
Ерөнхий ивээн тэтгэгч :
I-байр - EFES констракшин захирал М.Лхагвасүрэн
II- байр- Сумын Алтан унаганы эзэн Ө.Буяннэмэх
III-байр Мөнгөнморьт сумын ЗДТГ
Тусгай байр - Жаргалант багийн малчин Ж.Мөнхоргил
“ Шилдэг эмнэг сургагч”- Дэлхийн өв “Бурхан Халдун” уул ТХТГНХЗахиргаа
“Шилдэг уургач”- Аймгийн алдарт уяач С.Үүрцайх нар тус шагналыг ивээн тэтгэж оролцлоо.
Залуус бидний адуу дагасан өв соёлоо хадгалж цаашид баяжуулан авч явах чин хүсэл эрмэлзэлийг харамгүй сэтгэлээр дэмжиж хандив өргөсөн нутгийн зон олондоо нийт адуучин залуусынхаа өмнөөс баярлаж талархснаа илэрхийлье.
МӨНГӨНМОРЬТЧУУД БИДНИЙГ АДУУНЫ БОСОО ЦАГААН ХИЙМОРЬ ҮРГЭЛЖИЙН МӨНХӨД ИВЭЭХ БОЛТУГАЙ
